ശിവമഹിമ
മഹാദേവനെന്നാണ് ശിവന് വിളിപ്പേര്. ശാന്തതയും രൗദ്രതയും ശിവന്റെ പലഭാവങ്ങളാണ്. മനുഷ്യന് സമാനമായി നിരവധി വ്യത്യസ്തതകള് ശിവന്റെ വ്യക്തിത്വത്തില് കാണാം. മനുഷ്യര്ക്ക് സ്വന്തം ജീവിതത്തിലേക്ക് പകര്ത്താവുന്ന ശിവ മഹിമകള് എന്തൊക്കെയാണ്?
തിന്മയോട് സന്ധി ചെയ്യാതിരിക്കുക
തിന്മയുടെ നിഗ്രഹമാണ് ശിവന്. അനീതിയും ദുഷ്ടതകളും ശിവന് ക്ഷമിക്കുന്നില്ല. സമാനമായി ജീവതത്തില് വന്ന് ചേരുന്ന ദുഷ്ടതകളെയും നിഗ്രഹിക്കാന് നമുക്ക് പഠിക്കാനാകും.
ആത്മനിയന്ത്രണമാണ് ജീവിത സംതൃപ്തിയിലേക്കുള്ള വഴി
നിയന്ത്രണമില്ലാത്ത മനസ് മനുഷ്യനെ എങ്ങോട്ടും കൊണ്ടുപോയേക്കാം. ലോഭങ്ങള്ക്കും അത്യാഗ്രഹങ്ങള്ക്കും പിന്നാലെ പോകുന്ന മനസ്സുകൊണ്ട് നിങ്ങള്ക്ക് ഒരു യുദ്ധവും ജയിക്കാന് കഴിയില്ല. ലക്ഷ്യങ്ങളിലേക്ക് തൊടുത്തുവച്ച മനസ്സാണ് ശിവന്റെത്.
ശാന്തതയോടെ മുന്നോട്ട് നീങ്ങുക
ശിവന് മഹായോഗിയെന്ന് മറ്റൊരു പേരുണ്ട്. ലോകത്തിന്റെ സൗഖ്യത്തിനുവേണ്ടി നീണ്ട ധ്യാനങ്ങള് ശീലമാക്കുകയാണ് ശിവന്റെ രീതി. വ്യക്തമായ കാരണങ്ങളില്ലാതെ സ്വന്തം ശാന്തത ശിവന് ത്വജിക്കുന്നില്ല.
ഭൗതികമായ സന്തോഷങ്ങള്ക്ക് ആയുസ്സില്ല
ശിവന്റെ വസ്ത്രങ്ങള് ശ്രദ്ധിക്കുക. ഏറ്റവും പ്രാകൃതമാണവ. കയ്യില് ത്രിശൂലവും ഢമരുവും. സമ്പത്ത് അടക്കമുള്ള ലോഭങ്ങളില് നിന്ന് അകന്നു നില്ക്കുന്ന ഒറ്റയാനാണ് ശിവന്. എന്നാല് ആ മഹായോഗിയില് യഥാര്ഥ സന്തോഷവമുണ്ട്.
നെഗറ്റീവ് ചിന്തികളെ ഇല്ലാതാക്കാന് പഠിക്കുക
ശിവന്റെ മറ്റൊരു വിശേഷണം നീലകണ്ഠന് എന്നാണ്. സമുദ്രത്തില് നിന്നുള്ള വിഷം സ്വന്തം തൊണ്ടയിലേക്ക് ഏറ്റുവാങ്ങുകയായിരുന്നു ശിവന്. സാഹചര്യങ്ങളെ നേരിടുന്നതിലും നെഗറ്റീവ് വികാരങ്ങളെ എങ്ങനെ ശുഭസൂചകമാക്കി മാറ്റാം എന്നതിനും ചേര്ന്ന ഉദാഹരണമാണിത്.
മോഹങ്ങള് ഒഴിയാബാധയാകുന്നു, പിന്നീട് നമ്മളെ തകര്ക്കുന്നു
എല്ലാത്തില് നിന്നും സ്വതന്ത്രമാണ് ശിവമയം. ഒന്നിനോടും മോഹമില്ല. മോഹങ്ങള് നമ്മെ അത്യാഗ്രഹങ്ങളിലേക്ക് അടുപ്പിക്കുന്നു. പിന്നീട് സ്വന്തമാക്കണമെന്ന ചിന്തയിലേക്കും ഒടുവില് നമ്മുടെ പതനത്തിലേക്കും എത്തിക്കുന്നു.
മറുപാതിയെ ബഹുമാനിക്കുക
ശിവ സങ്കല്പ്പത്തില് ഏറ്റവും മനോഹരമാണ് അര്ധനാരീശ്വര രൂപം. ശിവന്റെ പാതി ഇവിടെ പാര്വതിയാണ്. ശിവന്റെ ശക്തിയാണ് പാര്വതി. മറുപാതിയെ ബഹുമാനിക്കാന് ഇനിയും കാരണങ്ങള് വേണോ?
അഹങ്കാരം ഉപേക്ഷിക്കുക
മഹത്വത്തിലേക്കുള്ള മനുഷ്യന്റെ ഒരേയൊരു വിലങ്ങുതടി അഹങ്കാരമാണ്. സ്വപ്നങ്ങള്ക്കും കര്മ്മത്തിനും ഇടയിലേക്ക് നിങ്ങളുടെ അഹംബോധം കടന്നു വരുന്നു. ശിവന്റെ ത്രിശൂലം സ്വന്തം അഹങ്കാരം നിയന്ത്രിക്കാന് വേണ്ടിയുള്ളതാണെന്ന് കഥകളുണ്ട്. അഹംബോധം തന്നെ കീഴ്പ്പെടുത്താന് ശിവന് അനുവദിച്ചില്ല. മറ്റുള്ളവരുടെ അഹങ്കാരത്തെ ക്ഷമിച്ചുമില്ല.
നിങ്ങളുടെ വിഷയത്തെക്കുറിച്ച് ആഴത്തില് പഠിക്കുക
ശിവന്റെ ജടയിലെ ഗംഗ അജ്ഞതയുടെ അവസാനമാണെന്നാണ് കരുതപ്പെടുന്നത്. കാര്യങ്ങളിലേക്ക് ഇറങ്ങും മുന്പ് ആഴത്തില് പഠിക്കുക. കാര്യങ്ങള് അവഗണിക്കുന്നത് ഒരിക്കലും സഹായിക്കില്ല.
ജീവിതം ക്ഷണികമാണെന്ന് അറിയുക
മഹായോഗികളെ മായാവലയങ്ങള് ബാധിക്കുന്നില്ല. ജീവിതം നശ്വരമാണെന്ന ബോധ്യം അവരെ സന്തോഷിപ്പിക്കുന്നു. ഇന്ന് ഉള്ളത് എക്കാലത്തേക്കും നിലനില്ക്കില്ലെന്ന് യോഗികള്ക്ക് അറിയാം.
നൃത്തം
നൃത്തത്തിന്റെ രാജാവാണ് ശിവന്. നടരാജന് ആണ് ശിവന്. ശിവന്റെ താണ്ഡവം ലോകത്തെ തന്നെ തകര്ക്കാന് പര്യാപ്തമാണ്. നടനമാണ് ശിവന് ജീവിതം.
കടപ്പാട് Whatsapp
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ